Байрны барьцаа мөнгөө хамгаалахын тулд юу хийх вэ?

Гэрээ хийхээс өмнө шалгаарай.

• Үл хөдлөх хөрөнгийн бүртгэлийн лавлагаа (등기부) үзээрэй. iros.go.kr (인터넷등기소) сайтаас авч болно.
• Гэрээ хийж буй хүн 등기부 дээрх эзэнтэй ижил эсэхийг иргэний үнэмлэхээр шалгаарай. Төлөөлөгч бол итгэмжлэл (위임장), тамганы тодорхойлолт (인감증명서) аваарай.
• Ипотек (저당권) эсвэл жонсэ эрх (전세권) олон тогтоосон, битүүмжлэгдсэн (압류) байрнаас зайлсхийгээрэй.
• Гэрээ хийхдээ эзэн татвар төлсөн тодорхойлолт (납세증명서), баталгаат огнооны мэдээлэл (확정일자) үзүүлэх эсвэл шалгахыг зөвшөөрөх ёстой.
• Үлдэгдэл мөнгө төлөхөөс өмнө 등기부 дахин үзээрэй.

Нүүж орсны дараа хоёр зүйл хийгээрэй.

• Оршин суугаа хаягийн өөрчлөлтийн мэдүүлэг (체류지 변경 신고): хугацаа нь нүүж орсон өдрөөс хойш 15 хоног, гэхдээ барьцаа мөнгөө хамгаалахын тулд нүүсэн өдрөө шууд хийгээрэй. Гадаад иргэний хувьд энэ мэдүүлэг нь шилжин ирсэн бүртгэлийг (전입신고) орлоно. Хаягийн байр, тоот дугаараа орхигдуулж болохгүй. Нүүж ороод мэдүүлгээ өгсөн бол дараагийн өдрөөс эхлэн байр зарагдсан ч шинэ эзэнд үргэлжлүүлэн амьдрах эрхээ шаардаж чадна.
• Баталгаат огноо (확정일자): гэрээний эх хувь, гадаад иргэний үнэмлэхээ аваад иргэдэд үйлчлэх төвд (주민센터) очоорой. Хураамж нь 600 вон.

Хоёуланг нь хийвэл байр дуудлага худалдаагаар (경매) зарагдахад дараагийн дарааллын эрхтэй хүмүүсээс түрүүлж барьцаа мөнгөө авах боломжтой.

Өөрийн нөхцөл байдлыг 1345 эсвэл цагаачлалын албаар заавал лавлаарай.

Байрны гэрээний талаар асуух зүйл байна уу? Асуултаа доор үлдээгээрэй.